Kelionenn

Ma ! N'eus ket mui moaien da sellet doc'h film sonadeg Ar re yaouank en Erer kozh (evit ar re n'o deus ket graet c'hoazh) àr Arte, met bremañ e c'heller gwelet se àr lec'hienn Frañs 3 Breizh amañ : http://www.france3breizh.fr/balibreizh/emissions/bali-bre...

Klevet em eus lâret e vehe Ar Re Yaouank é soniñ (e fin ar miz-mañ) e-pad ma vo tolpet, e Karaez, ar re o deus labouret a-youl-vat e miz Gouere. Chañs o do ! Ha din-me e ro koñfortañs din un tamm, ma n'eo ket muioc'h.

Chê ! Bremañ eh an da denniñ ar post kozh àr film Arte.

Just ur pennadig evit lâret e talv La Mal Cofada ar pour zo bet kaset dezhe ! E Karnag e oan enta evit o sonadeg ha n'em eus ket bet keuz tamm ebet ! Gouiet a raont kas lusk, soniñ asambl get tonioù liesvouezh kempennet fiskal hag oc'hpenn int merc'hed amiapl-bras... Me ' gav genin e pasint e Chartres de Bretagne un deiz bennak, neuze ma faot deoc'h o gwelet, kerzhit !

Setu amañ un tamm sonenn a c'heller kavout àr Internet. N'eo ket kerklouz ar son èl a pa vehec'h dirakte é selaou met n'eo ket fall dija, hag amañ e weler ar strollad èl ma oant e Karnag. Plijus eo o gwelet é soniñ, santet e vez ar blijadur o dez, reiñ a ra c'hoant d'ober èlte !

http://www.youtube.com/watch?v=XmTA3-8r9B8&feature=re...

Osca !

Soñj ho peus em boa graet un tamm bruderezh evit niverenn 73 an Dasson ? Atav eh eus moaien da breniñ an niverenn-se get ur CD a-barzh, pasapl a vrezhoneg ag ar vro da glevet hag an testennoù da heul, troidigezh e galleg ha-razh !

An niverenn 74 zo daet àr-wel ivez, d'he zro.

Tem an niverenn nevez zo an toponimiezh, studi an anvioù-lec'h. Mard oc'h fin a-walc'h evit monet pelloc'h evit an ui-koukoug àr ar golo e kavoc'h eh eus danvez a-barzh, danvez da soñjal ha da anavout gwell al labour àr-dro an anvioù-lec'h, an hani graet get an Ofis dreist-holl (unan ag o impliji eo, Yannig Madeg, a zo bet aterset), ur pezh mell labour pa soñjer mat.

Un tammig pennad am eus skrivet a-barzh ivez, a-ziàr troiennoù e yezh ar bobl, re get gerioù ar saout a-barzh, met evit komz ag an dud !

A-benn digwener eh in-me da Garnag da welet ar bare maouezi "La Mal Coiffée". Pemp kanerez zo anezhe ma 'm eus kontet mat. E okitaneg e kan ar re-se dreist pep tra, ha brud vat am eus klevet diàr o fenn. Int a son a veg, get estroc'h evit ur vouezh hag un tammig get an taboulinoù, mod o bro. Nerzhus eo, hervez ! Hiraezh am eus da dañva. Marse em bo tu da gomz okitaneg un tamm, get tud (divroidi !) daet da selaou, peotramant get ar c'hanerezed o-unan ! Ma komzit okitaneg pe ma anavit re hag a ra (perak pas ?) e vehe moaien d'en em gavout eno da lâret kaer er yezh-se !

Divendres jo que m'anirai de cap tà Carnac tà veser lo grop de hemnas "La Mau Cofada". Cinc cantairitz que son, s'èi contat com cau. En occitan que cantan sustot, e que son ja conegudas dins lo païs. Shens nat instrument que cantan, sonque los tamborins, com se hè dins lo païs. Plan dinamica qu'ei la lora musica, disan ; que 'm triga de'us véser ! Benlèu que poirai parlar, charrar un pauc en occitan damb de monde (d'exilats) venguts per l'escasença, o benlèu, se podi, dab las artistas, qui sap ? Se parlatz occitan o se coneishetz de monde que parlan la lenga, que 'ns poirièm trobar ailà e har rebombir lo son de la lenga !

La Mal Coiffée : 6 e oant àr ar porteled-mañ, pet e vint e Karnag ?  2 vlez zo e oa bet tennet ar porteled-mañ.

Ul liamm evit festival an Houlenn e Karnag (a zo a-barzh e programmadur "Un automne autrement" savet get Ti Douar Alre)

http://www.un-automne-autrement.com/concerts-spectacles-c...

Hama... keuz am eus un tamm d'ar prantad ma lakaen un notenn natur bemdez amañ... na bout e vezent kempennet àr ar prim e kemerent amzer, an dra-sen eo. Dreist-holl klask fotoioù diàr Internet. Pa rahen ar memp tra en-dro met hep fotoioù ? Marse e vehe moaien met ne vehe ket ken aes d'an dud gouiet a betra eh on-me é komz...

Atav, c'hoant am eus da lâret hiniv penaos on bet é vale dec'h e-sigur kavout tokoù-touseg, met splann e oa ne vehe ket kavet kalz : 'gozik sec'h-korn e oa ar c'hoad hag ar gwiskad del... sec'h.

Un nebeudig a oa ur sort, rusulennoù bihan ; ur vulgarienn gousius (Bulgarie salissante, afe, moarvat) àr un tamm kef ; hifolomoù get o goust c'hwerv ; un dedaleenn get he zoulloù edan an tok, hañval-mat doc'h un tamm milendall. Klitosiboù (clitocybe nébuleux pechañs)...

Kazi sur e vo kavet paot-mat stankoc'h an tammigoù boudoù-se bremañ... ar gasted !

Gwelet em eus aze e roll abadenn ziwezhañ Bali Breizh àr Frañs 3 un dra en deus sachet ma evezh : skrivet eo "Hiraezh  gant Ar Re Yaouank" e-mesk an tonioù sonerezh kinniget. Allas, n'em eus ket gellet sellet doc'h an dra-se nag enrolliñ. Unan bennak a ouiehe muioc'h a-zàr kement-mañ ? Un ton nevez e vehe ? Pe un ton kozh ha biskoazh diskouezet d'an dud ? Marse, kentoc'h, n'eo ket "hiraezh" titl ur sonenn, met kentoc'h evit lâret "hiraezh d'an amzer dremenet"... evit lâret nostalgie-nostalgie !

Daet eo mam blog da vout ul lec'h ma vannan bep an amzer eh eus degouezhet ur video nevez ag ar strollad Ar Re Yaouank àr ar rouedad. Pas kalz a dra a-du-rall... Met kemerit plijadur èldin é welet amañ é tifoupiñ, àr ho skramm, an ton An Toull enrollet ivez e-pad an abadenn "Du-mañ du-se". Gwelet e vez get pesort plijadur e son ar re-se, ha penaos en em zifretont aze !

http://www.ina.fr/fresques/ouest-en-memoire/fiche-media/R...

Skeudennoù fresk ur vandennad tud yaouank ha nerzh gete ! Ha blev gete, hejet en avel doc'h o lusk. Avel greñv Ar Re Yaouank èl ma lâr Marthe Vassalo goude bout bet ur gaouad paz...

http://www.youtube.com/watch?v=_MPYdgbuf6k&feature=re...

Drol eo : normalamant e vez kaset doare din pa vez traoù nevez a-ziàr ar strollad-se dre Google ; amañ em eus kavet ar video-mañ dre zegouezh... 'vern ket !

Marse eo an ton-mañ em eus bet selaouet ar muiañ gete, un ton hag en doa ma merchet kalz pa 'm boa klevet o fladenn evit ar wezh kentañ...

Mard eo diaes deoc'h lenn ar lizherennoù munut : Teaser den hep stumm kelionenn 2.jpg

Emañ festival an Oriant é tostaat ha moarvat e vo traoù da lâret amañ a-ziàrnoñ, mes setu dija doere ag un dra a vo aozet da neuze !

Un dro-vale e brezhoneg e vo, a-ziàr an natur e kêr.

skritell.doc