Kelionenn

Setu amañ ur varzhoneg hag a heul urzh an alfabed, deoc'h c'hwi da glask kompren ar c'homzoù doc'h ho mod, pe kentoc'h, deoc'h c'hwi da leuskel ho spered da vout direnket ha hilliget get ar c'homzoù...

Arvest an ui pluñvek,
Bigi ar vro karget a lizherennoù dizurzh,
C'hoari an avelenn-dro er park dister,
Charre al laboused é tougiñ olifanted hor speredoù,
Droug-dent hep dent,
Ebeulion beuzet e rigolenn sec'h miz Mae,
Fri ar gogusenn é c'houlenn anv an heol,
Gad é pediñ, ar skubellenn-forn en he dorn,
Hadennoù follentez er sistr da zonet
Interamant strewek e-mesk ur bobl stank
Jubile ar fall-louzoù hag ar re a gerzh àrnezhe
Korn al loar sanket e spered ar vaouez
Liv ar bokedoù pa na zigoront ket
Marc'h aet da jav-koad pa gri ar mouilc'hi da noz
Nac'hadennoù an aon stag doc'h ma zal
Orjalenn en-dro da brad ar garantez
Pouez an daeroù pa ne vezont ket laosket da vagiñ ar wazh
Rouedad tud àr-dreñv o fenestri èl un trezol
Sin ar groaz ar per hag an avaloù
Tenerded daoulagad ar yezh arall
Urzh ganet e-mesk burzhud an dizurzh
Verb a vousc'hoarzh e beg kozh ma c'hamaradez
Yod a lâr "kaoc'h" d'ar glaskerion-kaviar
Zoo al lizherennoù achuet amañ àr ribl ar mor

Setu un ton klarinetenn evit magiñ un tamm ar sonerezhva !

DW_A0085.wav

Setu neuze niverenn nevez an Tamm Papir, ar gazetenn a heuilh an aktu èl ne ra ket kazetenn arall ebet !!

Niverenn 4.doc

N'eo ket achu, ha pell avaze, get an haïkuioù-mañ, setu bremañ un nebeudig haïkuioù-gouiañv c'hoazh

Ruz
Korollenn ledan
Gouiziegezh kogus
An Arvor, àr an aod, serr-noz, ruz eo an oabl, 8 02 2006

A-dreist ar bodoù-se
Ha n'eo ket e lec'h arall
Kevrin an c'hwibed
An Arvor, aod, serr-noz, 8 02 2006

Kreion fin
Ar binenn
Dirak ar c'huzh-heol
Kerpap, 8 02 2006

Roz ha glas
Sklas an aer
Doc'h an teñval ne vo ket tommoc'h
An Arvor, serr-noz, 9 02 2006

Boull-heol
Gwelet hepken
E daou benn an devezh
Devezhiad labour en Aradon, 10 02 2006

Sioul ma c'horf
Laboused neoazh
A sil o anv em skouarn
Abadenn yoga-nidra 1añ, 11 02 2006

Un tachad roz
Liv maouez
Er c'hogus plaen
Karnag, enderv-noz, 12 02 2006

Unan ruz
Unan gell
O fennoù du er wezenn
Koublad beufiged er prunus, kreisteiz, Brec'h, 12 02 2006

Lavreger é sec'hiñ
Peseurt krouadur a c'hoario
Etre o divhar, keneve an avel yen ?
An Arvor, 13 02 2006

Aer yenik
Heol diframmet
Kogus a-dorimell
An Arvor, enderv-noz, 13 02 2006

Da gentañ
Lagadig an tour-tan
Oh, al loar-gann !
Digoret 'm eus an abevantoù en Arvor, 14 02 2006

Voici une photo qui nous fait penser à d'autres que l'on a vues dans des livres sur les volcans; vous savez, des plantes qui courageusement s'établissent sur les fissures d'une coulée de lave encore tiède.... la coulée de lave ici se situe à Hennebont.

Setu ur foto hag a zegas soñj deoc'h a fotoioù arall bet gwelet e levrioù a-zivout ar manezioù-tan; c'hwi oar a-walc'h, ar plant kalonek-hont hag a sank o gwriziad e faoutoù ar lava gourdom c'hoazh... ar lava amañ a oa en Henbont.

Daet eo er-maez (er-maez a betra ? Ag ar gaouidell lec'h ma oa bet bac'het !) niverenn 3 an Tamm Papir !
Mignoned ar lennegezh, ar wezh-mañ e vo un niverenn ispisial evit lidiñ an 3vet niverenn ! Euh... marse pas c'hoazh...
Komzet e vo ag ar c'hirvi-lann, ag ar raden, ag ar Sirac (??), ha fourbouchet e vo en douar !

Niverenn_3.doc