Kelionenn

Blead mat d'an holl a za da welet ar blog-mañ !

Una plan bona annada a tots los que vienon veire aquest blog !

Bonne année à tous les visiteurs de ce blog !



Un ton daet a n'ouian ket e-menn evit monet get ar blez nevez:

Una musica venguda de sabi pas ont, per l'annada navèra

Un air venu de je ne sais où, pour l'année nouvelle

ton ar blez nevez.wav

Blezad mat holl d'an dud !

Setu arru niverenn 9 an Tamm Papir àr ar blog-mañ, peadra da lenn e prantad ar gouelioù...

Padrig

Niverenn 9.doc

Setu ar wezh-mañ ur fichenn a-ziàr ur benveg sonerezh a vro India, an tablâ; deoc'h-c'hwi d'ober ho mad ag an dra-se; an dresadenn n'eo ket bet graet genin-me, he zapet am eus àr ar rouedad.

Tablâ.doc

Krogiñ a ran amañ get ur rummad fichennoù hag a zo a-barzh titouroù hag a c'hell bout implijet er skolioù. Netra dispac'hel, amañ eh eus just pennadoù get un nebeut skeudennoù, ha netra ken, kinnig ebet a-fed pedagogiezh na netra !

D'an dud intereset da denniñ akuit anezhe...

Da grogiñ e vo ur fichenn diàr-benn Monet hag an Impressionnism

Monet.doc

Arru eo an Tamm Papir nevez àr ar blog-mañ ! Un digarez evidin da vrudiñ ar gazetennig, hag a zo kempennet get ur bare tud gredus, kuzh ha diglod !

Evel ma lâr ar c'hrennlavar

Ar soubenn a chom diglod
Betek ma vez tennet ar golo diàr ar pod

Paour-kaezh krennlavar, ma vehe bet anezhoñ e-raok, ne vehe ket bet ret din en ijiniñ !

Setu an niverenn: Niverenn 8.doc

Ma faot deoc'h resev doereioù pa arru an Tamm Papir nevez, kasit ho mail din dre ar c'hommentaire !

Lâret em boa e oa fiskal an traoù
D'ar re a grede e oa achu pep tra
Ar re a grede dija e oa fiskal an traoù
O deus ma c'hredet
Ha n'o deus ket bouljet

Lâret em boa e oa achu pep tra
D'ar re a grede e oa fiskal an traoù
Ar re a grede dija e oa achu pep tra
O deus ma c'hredet
Ha n'o deus ket bouljet

Petra a lâr deomp ar beg-mañ ? Perak eo kamm èl-se ? Un dra bennak a zo bet er penn-kentañ, un dra tost a-walc'h doc'h un droug, pa oa bet graet an troc'h er wrizienn. Ha neuze ? Daoust ha chomet zo roudoù ag ar pezh zo bet gouzañvet get ar wezenn, pe ankouaet he deus tout a-c'houde pell ? Gwir eo e kav repu pe boued an amprevaned en toull-se. Marse e tiwano ur blantennig, ur wezennig a-barzh. Da c'hortoz, an diwezu koad a dosta an eil doc'h eben, difonn; n'eo ket sur tamm ebet e stagint un deiz.
An den trist a soñj é tremen penaos ar beg-se zo lan a c'hlac'har don, teñval, euzhus.
An den savet a-enep ar roue Kreskañs ekonomikel a soñj é tremen penaos e huch ar beg-se: "TRAWALC'H !"
An den treuzet get ur gaouad fent a soñj penaos e c'hoarzh ar wezenn, leizh he beg, é welet traoù digomprenapl en-dro dezhi.
Diaes eo lâret get piv emañ ar wirionez; get ar wezenn emezit ? Marse, mes honnezh a chom mut !

Evit tapout ur skeudenn vravoc'h:
Gwrizienn.jpg

Evit ur wezh e lakaan ur sinadeg amañ àr mam blog, pendeogwir eo un dra a-bouez,

Une fois n'est pas coutume, je mets une pétition sur mon blog, parce que c'est particulièrement important,

Ra sino neb en do c'hoant d'ober,

Que signe qui le veut,

http://div-yezh.org/article.php3?id_article=870

Per un cop que bouti ua peticion suu men blog, pramor qu'es d'importancia,

sinatz se voletz,


PS: le texte de la pétition est en français plus bas

lo texti de la peticion que poiretz legir en francès mei baish

A galon,


Coralament,


Cordialement,

E penn kentañ miz Eost n'eus ag ar wezenn-kiriz nemet ur c'horf askornek ha dizel. Un toull evit leuskel an hañv touforek, ha lan a zel betek re, da analiñ ?
Pe un toull evel toull ur boled, a lakay an hañv da ziwadiñ betek ken ne gollo e vuhez ?

Evit gwelet spisoc'h ar porteled:
Gwezenn kiriz.jpg

Marse e lennit an Tamm Papir get plijadur pa arru àr ar lec'hienn-mañ ?

Marse ho peus traoù arall d'ober estroc'h evit bale àr ar lec'hiennoù Internet hep klask netra resis ?

Neuze kasit ur mail din ha me a gaso doere deoc'h seul gwezh ma arruo an Tamm Papir !

drean.patrick2@wanadoo.fr

eo ma chomlec'h internet