Kelionenn

Er FIL c'hoazh: an neizhour, setu me éc'h arru dirak "Leurenn vBreizh" ha chom beziwet dirak ur strollad iwerzhoniz yaouank lan a vegon, ha barrek-mat ! Gouiet a raent chañj lusk, chañj nerzh, c'hoari get an arvesterion. Estroc'h evidin zo bet plijet gete hag entanet e oa an dud. Hucherezh a save en o mesk er fin. Ar ganerez (ha sonerez ampart get ar flaouit-treuz) he doa ur vouezh ag ar re vravañ, ha dreist-holl ur feson da ganal hag a oa soutil, teknik a-walc'h, chañj a rae notennoù zo bep taol, ne gane ket àr ar skeuliad (ar gamm) resis ha rik met gouiet a rae riskliñ tro-ha-tro d'ar skeuliad, ur misi ! Ma 'peus tro d'o gwelet, kerzhit !

N'em eus ket kavet foto ebet anezhe c'hoazh àr ar rouedad, ken yaouank èl mand int moarvat, met brudet e vint edan berr.