Kelionenn

Pell zo n'em boa ket embannet amañ ur bajennad krennlavarioù... graet eo hiniv, atav er memes rummad.
An ton àr-dreñv zo me get ma gitar.

vertuzioù 98-120.mp3

Ar gelionenn a suhet deoc'h ur blead 2009 ag ar bravañ, peoc'h, karantez, krouidigezh, son, komz, barzhoniezh; ur blead ma ne vo ket mui lezenn ar janglenn pennstur an ekonomiezh marse ! Ur blead ma vo klasket gwarantiñ gwell ar pezh mell pikol trezol a zo bet roet deomp: ar blanedenn douar, ar boudoù bev hag an dud a zo àrni (hag o yezhoù !)
Ha traoù arall c'hoazh met n'em eus ket c'hoant bout amañ c'hoazh da 8 eur da noz é skriv ma fennad.

Setu neuze ho po un ton gitar hag un nebeut haïkuioù:

ton ar blead mat.wav
Un tamm trist an ton gitar ? Elkent, èlkent !

Ar mor hag ar vouialc'h
Kan ar skignaned
Doc'h o liammiñ
Noz, an Arvor, 3 04 2006

Ul loar
Minc'hoarzh
An netra amiapl
Lizher. get just un haïku, 4 04 2006

Del an antrisk
Kresk bev
Evit lagad an hent
An Arvor, pourmenadenn d'enderv, 4 04 2006

Hent an tevenn
Souezhadenn vev
An toulloù gweren
An Arvor, pourmenadenn d'enderv, 4 04 2006

Peder
En ur steudad
Prof ar gwigneli
Peder gwignelenn, ar re gentañ a welan ar blez-mañ, evit ma gouel-blez, 5 04 2006

Heol azezet
Paravis din
E sklaerder àr ar berenn
Koan, sklaerder dous, sonerezh telenn, An Arvor, 5 04 2006

Ur boudig
War ar bajenn wenn
N'eo ket hemañ an nevez-hañv ?
Kolañbolenn, hent e Kerskoed, Plañvour, 6 04 2006

Hent re verr er prad
Nij ur voñbilenn
Na hir an hent !
"Bombyle", Hent e Kerskoed, Plañvour, 6 04 2006

Heol a-vil-vern
Neoazh dre vesk ar barroù
Un tantad orañjez du-hont
Hent e Kerskoed, Plañvour, 6 04 2006

Geot gleb ar mintin
E penn ar grapadenn
Ur wezenn hag hec'h anv
Plañvour,10eur30, 7 04 2006

Oabl boull
A-dreist heol ar blasenn
Ur goelan gwenn-kann
An Oriant, 10 eur bennak, 7 04 2006

Dubeed dirollet
Etre an engroez
Hag ar c'hogus
Gwened, e-kerzh ar vanifestadeg, 8 04 2006

Uhel-uhel
Dantelezh
An dour yen
Gwened, kogus, goude ar vanifestadeg, 8 04 2006

Setu enta un ton nevez, ma plij deoc'h ar pezh a gasan ur wezh an amzer deoc'h get ma gitar.

Anvet eo "Ton ar blev", dre ma ne oa ket c'hoazh sec'h ma blev pa oan bet é enrolliñ an ton-mañ peurchañs...

ton ar blev.mp3

Krediñ a ran c'hoazh, arre, kas un tonig sonerezh àr ar blog-mañ... divezh-kaer ! Ar re a zo kustumet doc'h sonerezh lipetoc'h o devo truez a-dra-sur, mes marse e ray plijadur da lod arall... pe c'hoant da soniñ ! Hag afer a zo a sonerion, en amzer a-vremañ mes marse muioc'h c'hoazh en amzer da zonet ! Afe, gwelet e vo...

air manquant de visibilité.mp3

Anv an ton e galleg a zo daet din pa selaouen en-dro, seblant a ra, dreist-holl er penn-kentañ, e ta an traoù dre zegouezh (ar pezh zo gwir ivez) hag e klask an ton e hent !

Setu un ton gitar, savet àr ar prim, evit an noz é arru, hag evidoc'h...
Vad a ra leuskel ar c'herden da gomz, kuit a varbotat re èl ma 'm eus graet da greisteiz àr ar blog-mañ...

ton sioul.wav

PS: Goude bout klasket selaou en-dro ma unan en em rentan kont penaos eo un tamm ponner da bellgargiñ... neuze e vo evit an dud motivet hepken !