Kelionenn

 

 

 

Al lanv

A red àr ar lec'hid

Gwask grizias àr an dud

Tomm spontus, pred e Belz, 1 07 2006

 

Ur c'housked eürus

Teir gwezh "Demat"

Evned a-leizh ar fenestr

Brec'h, 2 07 2006

 

Derv, ar stêr, ur vag

Avel klouar dre o mesk

Razh kement-se evit hor bank

Bank àr an hent etre ar Bono ha Bekerel, ur banne avel a zo aze, 2 07 2006

 

Soñjoù du an noz kent

Ha sonenn seder ar mintin

Gaouier a lâront o daou

3 07 2006

 

Tommder ankenius

Kan ar fenestri

Da gaso kuit ?

Fenestri digor da vitin, Brec'h, 3 07 2006

 

Da vinc'hoarzh

En deus fourchet a-dreist ar fenestr

Dilhad heol hag avel

Fenestri digor da vitin, Brec'h, 3 07 2006

 

Gweren skañv

Er bleuñv kistin

Met pouez o frond àrnin

Lakaet on diaes get c'hwezh ar bleuñv kistin kazi, enderv, 3 07 2006

 

An hañv tomm ha gris

Dre ruioù an Alre

Krennardezed a bep tu

Penn kentañ ar vakañsoù eo !, An Alre, 4 07 2006

 

Glav a-blomm

Dihunet en deus

Spered an deiz

Brec'h, da vintin, 5 07 2006

 

En aer fresk

Kogusennoù liv

A ziskouez o bro din

Kogus roz ha glas da serr-noz, Gwened, 5 07 2006

Haïkuioù arall.............

Ur wezennad bleuñv kistin

Diaes chom hep klevet

Trouz ar rod

Rod an amzer eo, èl rezon, Brec'h, 27 06 2006

 

Lostig ar frouezhenn

A zo é tortigellat

War ar meloñs gleb

Koan, frouezhenn Arrhenaterum elatium, Plañvour, 28 06 2006

 

Poukr an amzer

Oabl ha kogus

Diaes da zidoueziiñ

Plañvour, 28 06 2006

 

Sae gell

Ur vuoc'h

Lugernus e-tal an avelenn

Etre Brec'h ha Landaol, 28 06 2006

 

Darnijadenn

Ur fas gwenn

A-dreist hor lojig

Plañvour, serr-noz, ur gaouenn wenn, 28 06 2006

 

Frouezh foeñvet

En aer touforek

Pennoù un askolenn-vrizh

Silybum marianum edan ar wezenn pechez, er jardrin, 29 06 2006

 

Aer sourdomm an ti

Tonioù klavesin

Treuz-didreuz a-barzh

Noz, Brec'h, 30 06 2006

 

Diarc'hen àr ur c'hased koad

Daoulagad lemm

Ha teod distaget

Predegenn er-maez, 30 06 2006

 

Korollerezh

Ar c'hrampouezh foll

Er waskadenn

Plañvour, pred er-maez, 30 06 2006

 

Er-maez a ved ar volotenn

Tud é kaniñ

C'hwibed a yoc'h tro ha tro

Pred e Belz, e-pad ar match Frañs-Brezil, 1 07 2006

 

Lec'hid, aer tomm-gor,

Minotenn aod, tro vale

Pleget ma fenn edan ar bodoù

Ar vord ar stêr, Belz, 1 07 2006

Setu c'hoazh haïkuioù, n'eo ket achu, na n'eo ket. Spi am eus e vo mat o stumm rak ar wezh paset ne oa ket ha ne ouian ket penaos chañj (a-fed polis ha spas etre pep haïku).

Sell nevez àr Antarès

Un dra ker ruz

Ha ker pell !

Brec'h, noz, 24 06 2006

 

 

Tachenn football

Hon daou e kreiz

Evel en ur sahara

Brec'h, 24 06 2006

 

 

 

Hent d'enderv-noz

Hon daou a-wel d'an dud

Ha d'ar c'hogus arneñv

Brec'h, 24 06 2006

 

 

 

Kazhezig

Ha da deneridigezh

En-dro dezhi

Miglos, goude ar medisinour-loened, àr da varlenn, 24 05 2006

 

 

 

Bodoù roz

E-tal an hent

Bleuñv simpl ha bolz uhel

Brec'h, hent d'ar vourc'h, 24 06 2006

 

 

 

Kein ar gazeg-koad

Er gammdroienn

Chom a ran dic'hoarzh

Hent ar c'hoad bihan, amzer c'hris, un tamm deprimet on, 25 06 2006

 

 

 

Ar skuizhder

A lak anken er gwez

Pa n'eus nemet del

Hent ar c'hoad bihan, amzer c'hris, un tamm deprimet on, 25 06 2006

 

 

 

Me hag ur gogusenn

Ur straed etre an daou

Aer spis ar manezioù

Landevant, enderv, ur gogusenn e penn all ar straed a dalvez din da vanez erc'hek, 26 06 2006

 

 

 

Nag a blijadur

Me, an avel, hag an heol

A zo é labourat

Lakaat lienaj da sec'hiñ, enderv, Brec'h, 27 06 2006

 

 

 

Da vinc'hoarzh pintet

Ar vegoù da dreid

A sav ma spered eurus

A-dreist an oabl glas

Hent da Blañvour, 27 06 2006

 

 

 

Dilhad ar vaouez yaouank

Fest wenn

Aozet àr vevenn ar park

Gallium Mollugo àr vord ar parkad kolza, Brec'h, anv "dilhad ar vaouez yaouank" desket get ur vaouez a Bleuwigner, 27 06 2006

 

Hag e talc'h an hañv 2006 get e hent.

Stag mat doc'h ar lañjer
Bugale
Ar garvig hag ar geot
Galium aparine ha Bromus sterilis a implij hor pled evit strewiñ o bugale, Plañvour, 19 06 2006

Hadenn hag hadenn
Tennet ag ar lañjer
Chapeledad karantez
Tenniñ Galium aparine ha Bromus sterilis ag ar lañjer, 20 06 2006

E-dan ma bizied
Ar lañjer hag he zenerded
A zo mor divent ha pesked
Hir vo tenniñ tout ! Heñvel eo ar frouezh Bromus sterilis doc'h pesked, 20 06 2006

Uhel pintet
Bokedoù glas
A-dreist ar prad melen
Chikoreenn, hag ar prad a zo é komañs sec'hiñ, Plañvour, 20 06 2006

Morskorneg ar c'hogus
Hag a-dreist ar prad
Un toull sklaerder
Arru ba Plañvour, pa oa goloet an amzer e Brec'h, 20 06 2006

Bleuñv drez hag o liv roz
Ha sellet em eus mat
Doc'h o ganedigezh ?
Brec'h, 21 06 2006

Bord an hent
Ur louarnig
A chom da sellet
Brec'h, noz, é arru, 21 06 2006

Louarnig an neizhour
Blev hag eskernaj àr an hent
Eñ eo
Brec'h, 22 06 2006

Avelig fresk
An disterañ marv
Ha setu-te ponner ha yen
Chom da c'hortoz, Plañvour, 22 06 2006

Ar geot alaouret
A zigor dor ar c'hogus
D'an oabl glas
Livioù brav an oabl hag ar geot; hi a wel ur gogusenn get stumm un nor, 22 06 2006

Goûg astennet
Taol-kri hir
Strewet àr ar gêr vras
An Oriant, e-tal an arsanailh, 7eur30 noz, 23 06 2006

Arru a raomp get an hañv da vat ar wezh-mañ...

Un toull splannder
E-mesk ar c'hogus
Diwall ! Setu e lagad ront !
SzAnna, mintin, a-dreist an iliz, 15 06 2006

Diskenn ha krapout
Ehanoù bihan àr gein
Tosenn ar garantez
Mane Gwenn, Gwenin, enderv, 15 06 2006

Kelionenn vras
Trouz trouz en ti
Arabat flastriñ an hañv !
E ti mignoned e Baod, goude un dra lâret: an hani gentañ eo 15 06 2006

Aer touforek doc'h tor an dosenn
Un toullig klouar
E-dan an ivinenn
Mane Gwenn, met boskarded a zo, 16 06 2006

E toull ar vangoer
Golvani bihan
Trouz ar vuhez er vourc'h
Bourc'h Vrec'h, 16 06 2006

Ur sell d'ar lein
Punerezh ar balafenned
Gwenn en-dro d'ar lamp
Brec'h, e-kerzh an dañs, 17 06 2006

Derv ha pradoùier
En aer tomm
Ar maezoù eo hon dilhad
A-dreist da wernioù ar Loc'h, enderv, 17 06 2006

Skeud ma fenn àr da benn
Du ha sklaer a bep eil
Div blanedenn é troidellat
Brec'h, e-kerzh an dañs, 17 06 2006

Tamm lenn
Mogedennoù heol
Gronnet get ar gwez
Mintin, lenn an Esteng, Brec'h, 18 06 2006

Loaioù-dour melen
E pleg ar lenn
Da gorf dous àr-dreñv ar stammenn
Brec'h, mintin, 18 06 2006

Hon daou
Ur labous-noz
Hon daou
E-raok monet kuit, kreisnoz, Plañvour, 19 06 2006

Hag ar wezh-mañ, e brezhoneg (met n'int ket troidigezhioù ar re e galleg, hag ar re e galleg n'int ket troidigezhioù ar re-mañ naket)

En o sav-sonn
Selloù a-benn da lein ar vangoer
Kentel ar c'helion ?
Brec’h, "kelion Bourdel", enderv, 11 06 2006

War ma biz
Tastornelloù gwenn ha du
Ar c'hwil sioul
Brec’h, 11 06 2006, ur seurt Agapanthia villoviridescens

Fasoù glav
Fenestri ar reter
Dirak gwez ar jardrin
Brec’h, ar glav ne za ket lies ag an tu-se, 12 06 2006

Kistin-spagn goude ar glav
War an douar
Ha biout c'hoazh
An Alre, 5 eur 30, 12 06 2006

Mangoer wenn
N'hor boa ket gwelet e oa
Jiboeserezh a bep tu
Brec’h, é sellet doc'h ar c'helion bihan é jiboesat àr ar vangoer, 13 06 2006

Brundelladennoù da vintin
Ar-dreñv an abevantoù
Met ar c'housked a zo aze
Brec’h, 7eur, skuizh on c'hoazh, 13 06 2006

Chom da sellet
Traoù zo c'hoazh da zeskiñ
Doc'h ar vangoer
29 blez ha n'em boa ket c'hoazh komprenet buhez ar c'helion bihan-se !, Brec’h, 13 06 2006

C'hwilediged
Ha kantreerion noazh
N'omp ket en hon unan
Traezhenn, enderv (da greisteiz ne oa kazi den ebet) 14 06 2006

Dre ruioù ar porzh
Amzer latar ha joa
Heol ha joa àr an traezh
An Intel, fin ar mintin hag enderv, 14 06 2006

Ruz ha du
Un tamm paper krepon
Dinijet kuit diàr hon tro
Traezhenn, kreisteiz, 14 06 2006

Loj pellgomz
Ni, hor c'homzoù
Ha kelion munut doc'h ar vangoer
Bourc'h an Intel, 4 eur d'enderv, 14 06 2006

Tarzhioù-mor
O zrouz ennomp d'enderv
O c'hoari get hon treid
Astennet àr an traezh pe é tebriñ katev, hon treid er mor, traezhenn, enderv, 14 06 2006

Setu ur bajennad haïkuioù oc'hpenn...

Moment indicible
Il est passé
Devenu page blanche
... propice à l'écriture 29 05 2006

Une mouche
Se suspend
A mon théâtre d'herbes
29 05 2006

Nos deux nez
Au passage
Dans le vent ténu des roses
Rennes¸ jardin du Thabor, 3 06 2006

Traits des digitales
Le long des talus
Aiguilles roses du temps
Voie express vers Lorient, 12h30, 4 06 2006

De méchants bouts de bois
Sous notre couche
Tournent les étoiles au-dessus de nos têtes
Nuit à la belle étoile 4 06 2006

A chaque pas
Troupes de mouches
Dans le vent chaud
Brec'h, 16h00, 7 06 2006

Devant le mur
Les têtes étoilées
Des benoîtes
Brec'h, 17h00, 9 06 2006

Ventre roux
Au-dessus de la route
Et le miracle bref du bleu
Martin-pêcheur, côte du Rozo, 10 06 2006

Après la pluie
Tombées trop tôt
Les petites bogues
Fruits de marronnier, Auray, 12 06 2006

Du bois et du chemin
Insectes rassemblés
Sur la berce
Brec'h, près de la chapelle St Jacques, 13 06 2006

L'âme passionnée de notre amour
S'envole noire et rouge au-dessus du sable
A moins que ce ne soit juste une zygène
Zygène sur la plage, Erdeven, vers 13 h, 14 06 2006

Déplacements d'oiseaux
Entre ville et nuages
Air gris, nous sommes vivants !
Vannes, 15 06 2006

Setu bremañ un nebeudig c'hoazh ag an haïkuioù e galleg am boa skrivet e 2006.


Marche dans la pelouse
Grillons et leurs trous
Géographie de chants
Jardin, Brec'h, 20 05 2006

Ce morceau de paysage
Pris dans le rétroviseur
N'est rien pour l'instant
Quand elle apparaîtra il sera tout
C'est un peu un manque de respect pour ces quelques arbres , Landevant, 20 05 06

Mobile de roseau
Petit cri lancé au vent
Il est là à mon retour
Brec'h, 17h00, 21 05 2006

Air bleu et sombre
Petits et gris
Dans la fraîcheur ils courent
Brec'h, nuages, crépuscule, vers 23h00, 22 05 2006

Le soleil
Taille des vitraux
Dans le désordre de la pièce
Brec'h, matin, 23 05 2006

Debouts
Notre amour est suspendu
La mousse du bois est humide
Bois de Locoal-Camors, 26 05 2006

Trois fleurs dans le pré
Ca suffit à mon bonheur ?
Ca suffit à mon malheur ?
Non, ça suffit.
26 05 2006

Lande inégale
Foisonnement
Sous la brume grise de mai
Près Saint-Dégan, 27 05 2006

Coquelicots nus
Le mur
Taches rouges des pétales
Plouhinec, Le Passage neuf, 19h30, 28 05 2006

Notre couverture
Se constelle
D'étamines violettes
Ploemeur, 29 05 2006

Sureaux et robiniers en blanc
Pointent déjà
Les fleurs de châtaignier
Vers Lorient, 12h00, 30 05 2006

Une graminée pour lustre d'apparat
Le ciel bleu poudré
Bruit de pigeon qu'on ne voit pas
29 05 2006; en fait c'est indicible

Ur c'herzhed munut
A lak ar gouiltron
Da veviñ
Kannerezig àr an hent etre Landaol ha Landevant, 6 06 2006

Melen lufrus
Un amprevan
A lak skedoù gwer a-barzh
Boked pav-bran hag Oedemera nobilis, Brec’h, 7 06 2006

Pav-bran
Pennoù-frouezh disliv
Ur boked lugernus
Memes plantenn, ne chom nemet ur boked digor, Brec’h, 7 06 2006

Astennet àr an douar tomm
Pell amzer a-walc'h evit santiñ mat
Korfoù ar louzaouennoù
Brec’h, 7 06 2006

Azezet àr ar barr derv
Banne avel klouar
Gouelani e splannder kreiz ar stang
An Ter, un tamm e-raok pemp eur, 8 06 2006

Trouz munut
Redadenn ur c'hi
War traezh ar vinotenn
An Ter, un tamm e-raok pemp eur, 8 06 2006

Ur boked roz unan gwenn
Er blantenn voan
A saludan e-tal ar boubelenn
An Ter, un tamm e-raok pemp eur, 8 06 2006

Pavioù melen
Ar goelan kein du
Hejet dirak ma selloù
An Ter, un tamm e-raok pemp eur, 8 06 2006

Tommder an avel
Diougan petra ?
Diougan avel domm
Brec’h, mintin, 9 06 2006

En disheol, avelig flour
Ha ma c'hazhez
Torret he fenn, hanter varv
Brec’h, e-dan ar prunus, mintin, gloazet garv eo bet, 9 06 2006

Gwezenn dreut
Nerzh tomm an avel
Kignez hanter-ruz a-barzh
Brec’h, 9 06 2006

E gof rous
Ha goude, burzhud e gein
A-dreist an hent
Deredig Sant-Gwenole, ar Rozoù, Brec'h, 10 06 2006

Div vag é tostaat
Hag é pellaat a bep eil
Boueioù liv, un enezenn
Pleheneg, an Treizh Nevez, 7eur30 noz, 28 05 2006

Ar geot
A lak brizh-heol
War he fas dous
Plañvour, 29 05 2006

Sevel ar penn
A-dreist ar prad
Gwez en heol orañjez
Plañvour, 29 05 2006

Kogusennigoù ar mintin
Aet àr blataat
Emañ c'hoazh an heol aze
Plañvour, 12e45, 30 05 2006

Goelan tost
E bavioù melen
War ar paver
Plañvour, 12e 30, 30 05 2006

Kelionenn
A-spign
Em c'hoariva geotennoù
Plañvour, 9e30 da noz, 31 05 2006

Du pe lufrus o divaskell
Nij ar glaouerion
Hag an heol
Plañvour, 9e30 da noz, 31 05 2006

Nijadennoù kudoned ne weler ket
N'eus ken yezh
Evit hor geot eürus
Plañvour, 9e30 da noz, 31 05 2006

Netra da lâret
Setu ar pezh a lâr ar geot
Deomp en o c'hreiz
Plañvour, 9e30 da noz, 31 05 2006

Buhez ha marv er bod roz
C'hwiled alaouret
Ur werenenn foeltret
Brec’h, 7eur da noz,ar gevnidenn-krank eo a zo kaoz, 1 06 2006

Mezheven e korn an ti
Dizoleiñ evit ar wezh kentañ
Bleuñv er bod iliav
Brec’h, 1 06 2006

Pimpoch melen
N'eo ket àr ar roc'h hepken
Er vro a-bezh !
Brec'h, 2 06 2006, pimpoch = dule