Kelionenn

IMG_2084.JPG

Evel pa vehe an droñjenn doc'h en em harpiñ àr greiz ar wezenn, koad marv tout. Hañval e vehe eh eus daoulagad d'ar wezenn-se ouzhpenn, brogoù int, bet kollet gete ar c'hlor hag ar galon.
Petra en doa graet d'ar wezenn-se diskouez he c'hreiz marv e-giz-se ? Er prad-se, bet gwelet getoñ pardonioù a vlez da vlez a-c'houde un hir a amzer, petra o deus gwelet an daou lagad koad-se ?
Met iskis e seblant deoc'h an daoulagad-se just a-walc'h, get liv ar souezh àrne... seblant a ra ar wezenn bout daet ag ur blanedenn arall.
Hag ar goulenn a za da vout: peseurt goulennoù dic'hortoz ha bet chomet kuzhet a-c'houde an tazoù ennoc'h a sav ar skeudenn-se, en un taol ?
En em santout a rit kablus dirak ar wezenn-se hag he dremm bugel paour ha goursot... Peseurt karez a bouez àrnoc'h ?

Setu e voulc'han amañ ur rummad arall, anvet "An dramsell", a vo a-barzh testennoù berr liammet a-dost pe a-ziabell doc'h ar sell, traoù din-me pe traoù filozofel, da welet...

E dielloù-stag e vint kavet holl, ha setu an destenn gentañ:

Un helikopter en ho torn.doc