Kelionenn

Evit an holl re a zo krazet o neuronoù, setu gwazh fresk an Tamm Papir evit lakaat dezerzh ho empenn da vleuniiñ arre !

Niverenn 16.doc

C'hwi a gavo niverennom arall er rubrikenn "An Tamm Papir".

Erc'h àr an djebel Toubkal er Marok, foto tapet get Roland ha kaset din goude dezhoñ en devout reset... an Tamm Papir diwezhañ. Ya. Setu arru pemzekvet niverenn an Tamm Papir. An devezhioù a zo hiroc'h bremañ, klevet e vez an evned a bep tu, ar plantennoù é tispak o del pe o bleuñv... met un dra a vanke deoc'h. Bremañ e vo roet ho c'hoant deoc'h. Danvez 'po da lenn. En niverenn-mañ e vo... avañturioù ar c'hrog-istribilh, kaoz a vo a Sidoni, a bPompei... En em gavout a rit get Doue é tiskenn get ar skalier (kemerit un anti-histaminik ma ne ra ket vad deoc'h kroaziñ e hent) hag é stankiñ frioù an dud (un drol a Zoue enta !); sul zo hiniv, an deiz ma arru an Tamm Papir geneoc'h ar wezh-mañ, neuze...

Ma faot deoc'h resev an Tamm Papir hep tremen dre ar blog-mañ, gellet a rit atav lâret din.

N'omp ket c'hoazh arru get an niverenn 1000, met tostaat a raomp... àr hor goarigoù !!

Niverenn 15.doc

Pegoulz e oa an Tamm Papir diwezhañ ? E amzer Nevenoe ? Ich 'ta, ec'h oc'h é ober genin pe petra ?
Just a-walc'h en devo Nevenoe ur plas (dister) en niverenn-mañ.

An tregont implijad a labour e skipailh an Tamm Papir a suhet deoc'h ur blead 2009 ag ar gwellañ !
Ur blead karget a ........ hag a ........... get ur bern ............, met pas re a ........., ha spi hon eus, get an nebeutañ a .............. ar gwellañ ! Ra vo diskaret ............... ha ra vo enoret ..............,

ha ne ouian ket me petra razh.

Niverenn 14.doc

Setu bremañ àr ar blog-mañ an niverenn hirgortozet, niverenn 13 an Tamm Papir.

Prest eo da fardiñ àr ho taoulagad ha d'ho magiñ get he metafizik liesliv.

Niverenn 13.doc

Birvilh zo àr ar rouedad, setu niverenn 12 an Tamm Papir !!!!!!

Niverenn 12.doc

Setu amañ an ton en doa ma broudet da skriv ar pennad diwezhañ "Amzer ar CDioù", kerkoulz eo ho lakaat da brofitiñ ivez; domaj eo avat n'hon eus ket penn-kentañ tout ar sonenn. Lod a drido doc'h er c'hlevet, meskaj etre melkoni ha nerzh daonet anezhoñ; ha marse pendeogwir, èldin, int bet gwerso hep er c'hlevet. Lârit din: sonet e vez c'hoazh an ton-mañ gete ur wezh an amzer ?

Setu enta ar liamm:
http://www.youtube.com/watch?v=Fo-V_OYfMAg

Ha setu bremañ un dresadenn savet get ur c'hamarad d'an Tamm Papir... pe ur laer hag en deus c'hoant da dapout ar yoc'h argant a vo dastumet, edan berr, pa vo gwerzhet produioù deveret An Den hep Stumm ? Gwelet e vo en amzer da zonet... setu atav ar vandenn dreset:

an den hep stumm hag e gamaraded.doc

A-fed an Tamm Papir just-a-walc'h, emañ ar skipailh é labourat harz-pe-krev da achuiñ an niverenn 12 evit Festival Etrekeltieg an Oriant, ma vo kinniget ez-ofisiel dirak an Ti-kêr, sadorn diwezhañ ar festival, da 9 eur d'an noz.

Un tamm pasianted, tudoù !!

Arru eo an Tamm Papir nevez àr ar blog-mañ ! Un digarez evidin da vrudiñ ar gazetennig, hag a zo kempennet get ur bare tud gredus, kuzh ha diglod !

Evel ma lâr ar c'hrennlavar

Ar soubenn a chom diglod
Betek ma vez tennet ar golo diàr ar pod

Paour-kaezh krennlavar, ma vehe bet anezhoñ e-raok, ne vehe ket bet ret din en ijiniñ !

Setu an niverenn: Niverenn 8.doc

Ma faot deoc'h resev doereioù pa arru an Tamm Papir nevez, kasit ho mail din dre ar c'hommentaire !

Setu bremañ arru an termen da ginnig, dirak ho taoulagad, niverenn nevez-flamm an Tamm Papir !

Ennoñ e vo moian deoc'h dizoleiñ tout ar gizioù nevez a vBoston, New-York, Paris, Milan... nag ur chañs evidoc'h !

Niverenn 6.doc

Setu arru niverenn 5 an Tamm Papir, deoc'h-c'hwi d'en dizoleiñ bremañ !

Niverenn 5.doc

Setu bremañ arru en hor mesk niverenn 2 an Tamm Papir; enni e vo komzet a... kistin-spagn, taboulinoù, balafanned, ha ne ouian ket me petra razh...

Taolit ur sell a-barzh, moullit ma faot deoc'h, ha kasit d'ho mignoned ma kav geneoc'h e talv ar boan.

Da c'hortoz an niverenn 3 !

Niverenn_2.2.doc